KORONADAL CITY – Naka-schedule na ang igapatigayon nga public hearing kag consultation sa Bangsamoro Basic Law (BBL) sa nagkalain-lain nga lugar sa Mindanao.
Ini ang ginpahayag ni South Cotabato 1st Ditrict Congressman Pedro Acharon Jr. kag chairman sang committee on local government sa interbyu sang Bombo Radyo Koronadal.
Suno kay Acharon kalakip sa iya nga committee sanday Rep. Mauyag Papandayan sang 2nd District ng Lanao del Sur nga chairman sang committee on Muslim Affairs kag Rep. Ruby Sahali sang Lone District sang Tawi-Tawi bilang chairperson sang committee on peace, reconciliation and unity nga magapanguna sa nasambit nga konsultasyon sa Tawi-tawi, Zamboanga, Maguindanao, Sultan Kudarat, South Cotabato, Lanao Del Norte kag Marawi.
Tinutuyo sang nasambit nga consultation dialogue kag public hearing nga mahangpan sang mga pumuluto ang nakasaad sa territorial judisdiction sang BBL.
Pagahatagan man sang tsansa ang tanan nga sektor ukon grupo nga makasumiter sang position paper kun sugot sila ukon indi sa BBL.
Ginalauman nga sa palaabuton nga Marso 21 makadesisyon na ang 3 ka committee kun ano ang version nga igaduso kag pagatalakayon sa plenaryo.
Kadungan sini, nagpanawagan naman si Acharon sa mga pumuluyo nga magpamati sang balita kag magtambong sa ipatigayon nga pagtililipon agud nga mahangpan ang ginaduso nga BBL.
