KORONADAL CITY- Ginpakigbahin ni Surallah Mayor Antonio Bendita nga isa sa mga ginakabig nga EDSA Boys ang iya nga eksperyensya sa ulihi nga adlaw sang diktadorya ni anay Pres. Ferdinand Marcos.
Suno kay Mayor Bendita, isa ini sa mga nagpartisipar sa hublag protesta agud ipakigbato ang demokrasya sang pungsod.
Kadungan sang ika 32 nga anibersaryo subong sang People Power Revolution, preska sa paminsaron sini sa gihapon ang pakigbuylog sini kaupod ang mga ordinaryo nga tawo, mga opisyal sang simbahan, mga estudyante kag iban pa.
Nahibaluan nga nangin wake up call suno pa ang panginahanglanon sa pagpakigbato sa tawhanong kinamatarong, nangin kabalaka man dire ang pagtibusok sang ekonomiya kag kawad-an sang hustisya.
Ang paghugpong sang mga tawo ang nangin yabi agud pakigbatuan ang diktadorya.
