Paghatag ligwa sang senado sa kaso ni Demafelis ginkalipay sang mga OFWs

KORONADAL CITY- Ginkalipay ni Analiza Batallones, isa ka repatriated OFW halin sa pungsod Kuwait na ginahatagan na sang ligwa sang senado ang problema sang mga OFWs sa Middle East.

 

Suno kay Batallones, kun indi tungod sa kaso sang pinay DH nga si Joanna Demafelis nga brutal nga ginpatay kag ginsulod sa freezer indi pa maaksyunan ang madugay na nga ginasinggitan nga bulig sang mga OFWs.

 

Dako nga bulig para sa mga pinoy nga nagatrabaho sa Middle East ang paghatag sang nagakaigo nga proteksyon sa ila halin mismo sa kamanduan sang Presidente bangud indi man suno pa masaligan ang pila sa mga opisyal sa Midde East nga may yara kun tani sang responsibilidad agud nga protehiran kag pangapinan ang mga OFWs.