KORONADAL CITY- Ginpahugtan sa karun ang seguridad sa syudad sang Koronadal makaligad ang nagluntad nga pagpasigabong sa PNP detachment sang 3rd Mobile Force kag sang South Cotabato Provincial Mobile Force Platoon sa Brgy. Saravia syudad sang Koronadal.
Nahibaluan nga on duty si PO1 Cyrus Sambog alas 4 sang kaagahon sang 2 ka mga lalaki nga nakasakay sa itom nga motorsiklo ang nasiplatan sa palibot san detachment kag pila ka minuto pa gulpi nalang ini nakabati sang pagsigabong.
Gilayon naman nga gin-alerto ni PO1 Sambog an tropa kag liwat nasundan pa ang pagsigabong.
Makaligad ang pasigabong, gilayon nga nagpalagyo ang 2 ka mga suspek padulong sa direksyon sang Tupi South Cotabato.
Ginlagas pa sang tropa ang mga suspek apang wala na naabtan.
Kumpirmado naman nga target sang mga suspek ang PNP sa nasambit nga insidente kun sa diin sa karun ginahibalo pa ang motibo sa nagluntad nga pagsigabong kag ang eksplosibo nga gin-usar sang mga ini.
