KORONADAL CITY- Ginakabig na karun nga grandslam ang probinsya sang South Cotabato makaligad nga liwat mag kampeon sa SOCCSKSARGEN Regional Athletic Association (SRAA) 2018.
Ini na ang ikatatlo nga asud-asod nga kadalag-an sang South Cotabato batuk sa iban nga delegasyon halin sa rehiyon 12 kun sa diin nakakuha ini sang
93 golds, 102 silver kag 78 bronze medals.
Apang bag-o pa man magtakop ang SRAA nangin hugot sini nga kasumpong ang General Santos City ngga yara sa ikaduha nga pwesto nga nakakuha sang
87 golds, 65 silver kag 76 bronze medals.
Ginsundan ini sang Koronadal City sa ikatatlo na pwesto nga may 44 golds, 51 silver kag 61 bronze, Cotabato Province nga may 33 golds, 47 silver kag 57 bronze; Tacurong City nga may 25 golds, 7 silver kag 5 bronze; Sarangani Province nga may 22 golds, 20 silvers kag 47 bronzes, Kidapawan City nga may 21 golds, 29 silver kag 39 bronze; Sultan Kudarat nga may 8 golds, 15 silver kag 36 bronze kag Cotabato City nga may 7 gold, 6 silver kag 11 bronze.
Samtang sa special awards, nakuha sang South Cotabato ang Most Eco-friendly delegation, Best in Saludo ang General Santos City, Most friendly delegation ang Kidapawan City, kag Best in Record Management ka Most Disciplined delegation ang Sultan Kudarat.
Ginkilala naman nga Best Host School ang Tampakan Central Elementary School.
Kaangot sini nagapalab-ot naman sang pagpasalamat si Governor Daisy Avance-Fuentes sa tanan nga mga coaches, athletes kag ilabi na sa DEPED South Cotabato nga kaupod sang provincial government sa nangin madinalag-on na paghost sang nasambit nga sports competition.
Nagpromisa naman si Fuentes nga makabaton sang incentives ang mga nagdaog nga atleta.
