KORONADAL CITY- Ginpangunahan sang lokal nga opisyal sang Maguindanao ang pagturnover sang mga ginalipod nga high-powered firearms sa 2nd Mechanized Infantry Battalion sa idalum sang 601st Infantry Brigade.
Mismo nga si Brgy. Chairman Quiapo Dalandas sang Brgy. Damabalas, Datu Piang Maguindanao ang nag-turnover sang 1 locally made caliber 50 sniper rifle, 2 US caliber M1 Garand rifle samtang ginsungka man ni Brgy Madia Datu Saudi Ampatuan chairman Edris Sindatok ang 1 US caliber 30 M1 Garand rifle nga na modify sa 7.62 M14 rifle kag 1 US 5.56 Colt M16 rifle.
Ginturnover man ni Task Force Itihad Mantila Tambak sang Brgy. Ambadao Datu Piang Maguindanao ang 1 US caliber 30 M1 Garand rifle 1 US caliber 5.56 Elisco M16 rifle samtang isa ka Abe Andal nga myembro sang Private Armed Group ang nag turnover man sang 1 US caliber 5.56 Elisco M16 rifle nga may naka attach nga M203.
Pila sa mga residente man sang Datu Piang ang nagturnover sang 3 cal. 44 nga armas kag mga bala.
Suno kay 601st Brigade commander Brig. Gen. Diosdado Carreon ginakabig nila na commendable action ang pagsungka sang mga opisyal kag mga residente sang ila mga armas kun sa diin mangin maayo suno pa ini nga halimbawa agud awhagon pa ang mga pumuluyo sang Maguindanao nga boluntaryo nga isungka ang ila mga iligal nga armas.
