Pinakauna nga bulawan nga medalya sang South Cotabato sa SRAA 2018 naghalin sa atleta sang Surallah

KORONADAL CITY- Ginhatag ni Nathaniel Morales sang Libertad National High School ang pinakauna nga bulawan na medalya para sa probinsya sang South Cotabato sa nagapadayon nga SRAA 2018 meet.

Sa ekslusibo nga interbyu sang Bombo Radyo Koronadal, naangkon sini ang gold medal sa 1,500 meter dash secondary boys.

Suno kay Morales nga nagpaidalum ini sa hugot nga training agud maangkon ang bulawan nga medalya.

Nahibaluan nga masobra 4 ka bulan ini nga nagpaidalum sa training para sa nasambit nga event.

Nagpasalamat man ini sa suporta nga ginhatag sa iya.