New player sa illegal drug trade arestado sa Esperanza Sultan Kudarat 

KORONADAL CITY – Natalana na nga pasakaan sang kaso nga pagbayolar sa RA 9165 ukon Comprehensive Dangerous Drugs Act of 2002 ang isa ka new player sa illegal drug trade sa Sultan Kudarat.

Ang nasambit nga suspek ang ginkilala nga si Nelson Villanueva, 39 anyos kag residente sang Sitio New Tarlac Brgy. Villamor Esperanza Sultan Kudarat.

Suno kay Bombo Correspondent Larry Geronio narekober sa posisyon sini ang 3 ka small sachets sang shabu, 1 ka medium kag 1 ka big pack nga shabu nga nagabalor sang P20,000 kag mga drug paraphernalia.

Ang nasambit nga suspek ang nagahimo san iya iligal nga hilikuton sa tunga sang basakan.