KORONADAL CITY – Naglab-ot sa 11 ka mga katapu sang unit milisya sang rebelde nga NPA ang panibag-o nga nagsungka sa militar sa Barangay Sumilil, Bagumbayan Sultan Kudarat.
Ini ang ginpahayag ni Lt. Col. Harold Cabunoc, commanding officer sang 33rd IB, Philippine Army sa interbyu sang Bombo Radyo Koronadal.
Suno kay Lt. Col. Cabunoc, ang nasambit nga mga rebelde ang katapu sang Platoon Guirella Front 73 sa Sitio Panamin sa nasambit nga banwa.
Sa bulig sang Bagumbayan Municipal Police Station, Special Action Force, Bagumbayan LGU kag IPMR, nasulod kag naagaw sang militar ang kampo sang mga ini.
Gilayon naman nga ginpresentar kay Mayor Jonalette De Pedro ang nasambit nga mga rebelde.
Kadungan sini, isa ka dialogo ang ginpatigayon kun diin nagpahayag sang susporta sa militar kag LGU ang yara sa 250 ka mga katapu sang underground mass Mass Organization sang NPA kag ginbawi ang suporta sa komunista nga grupo.
Sa subong yara na sa masobra 200 na ang mga NPA nga nagsungka sa militar sa Sultan Kudarat samtang duha naman ka dalagko nga mga kampo sang mga ini ang naagaw sang mga sundalo.
