Pamilya Dani hustisya ang luyag maangkon sa kamatayon sang Tribal Pastor

KORONADAL CITY- Nagalaum ang pamilya sang napatay nga Tribal Pastor nga si Lido Dani nga makaangkon sang patas nga imbestigasyon sa nagluntad nga rambol sa tungaang pamilya sini kag sang pila ka mga katapo sang Tupi PNP makaligad maginitay sa kalduhan sa nasambit nga banwa.
Sa interbyu sang Bombo Radyo Koronadal kay Brgy. Kablon Tupi South Cotabato kapitan Oting Tilo, malain ang buot sang pamilya Dani kag sang mga myembro sang religious sector nga ginalakipan sini makaligad maluthang sang operating team sang Tupi PNP ang nasambit nga pastor sa nagluntad nga gamo sa Crossing Acmonan.
Dugang pa sini nga isa ka mabuot nga pastor suno pa si Lido kag wala sang anuman nga krimen ukon gamo nga ginkaulamiran ang nasambit nga pastor sa ila barangay.
Kaangot sini magapatigayon man sang pagsinapol ang tribo ng Blaan kaangot sa kamatayon sang isa sa ila mga elders kag kun paano mabuligan ang 2 ka himat sini nga sanday Cpl Mangilay Dani kag Marcelino Dawang nga nakapreso makaligad magluntad ang insidente.
Natalana man nga magsang-at sang reklamo sa Commission on Human Rights ang pamilya sang Tribal Pastor agud mahatagan ini sang hustisya.