KORONADAL CITY- Nagdugang pa sa ma nagdamo nga komunista kag rebelde nga nagabalik sa sabak sang gobyerno ang 7 ka New People’s Army rebels nga ginakabug-usan sang isa ka kumander nga nagsunka sa Maguindanao.
Suno kay 6th Infantry Division Maj Gen Arnel B. Dela Vega, ang 7 ka NPA rebels ang naghalin sa Platoon My Phone sang Guerilla Front 73, Far South Mindanao Regional Committee nga nagsungka sa 1st mechanized infantry battalion sa Ampatuan Maguindanao.
Ang nasambit ma nga mga rebelde ang mga residente sang nagkalain-lain nga barangay sa Esperanza, Sultan Kudarat.
Kadungan sang ila pagbalik sa gobyerno ginsungka man nila ang ila isa ka 7.62mm M14 rifle, isa ka 5.56mm M16 Bushmaster rifle, 2 ka M1 Garand rifles, isa ka homemade M16 Sniper Rifle, isa ka homemade M14 rifle, isa ka Springfield rifle, kag isa Cal.38 revolver, 1 ka hand grenade, kag isa ka improvised explosive device nga may wire kag triggering device.
Nahibaluan nga nagsungka ang mga ini bangud sa kabudlay nga gina eksperyensya sa pagpanago sa kabukiran sang
Sultan Kudarat kag ila nahuna-hunaan nga lunsay kabutigan suno pa ang promisa sang mga mga communist leaders.
Dugang pa sini nga sila ang nakumbinsi man sang ila himata kag mga anay kaupdanan nga nagsungka na sa gobyerno.
Makaligad sini ginpasiguro man sang militar nga sila ang makabaton sang benepisyo halin sa Comprehensive Local Integration Program ukon CLIP sang gobyerno kag mangabuhi nga malinong
