KORONADAL CITY-Agaw atensyon sa syudad sang Koronadal ang pagpanghatagh sang South Cotabato Integrated Provincial Health Office sang masobra 4,000 condoms.
Sa ekslusibo nga interbyu sang Bombo Radyo Koronadal kay South Cotabato HIV/AIDS focal person John Arlo Codilla, nahuna-hunaan nila nga magpatigayon sang pagpanghatag sang condoms ilabi na kahapon kadungan sang Valentines Day para sa mga magpares, indibidwal kag mga sex workers agud malikawan ang paglapta sang HIV/AIDS.
Dugang pa ni Codilla nga humalin sang nagsulod ang Love Month nagdamo ang nag avail sang condom nga sinyales nga aware na ang mga tawo sa posible nga matuga sang indi luwas nga pakig hilawas ilabi na sa may madamo nga mga sex partners.
Samtang nagpahanumdum naman ini sa mga aktibo nga indibidwal sa pakighilawas nga dapat manginbabaw man ang utok kun ikumparar sa pangkalibutanon nga interes agud nga wala sang hinulsulan.
