KORONADAL CITY – Presuhan ang nadangtan sang isa ka pamilya matapos nga maarestar sa ginlounsar nga drug raid sa banwa sang Isulan Sultan Kudarat.
Ginkilala ni Pol. Supt. Celestino Daniel, ang mga naarestar nga mag-asawa nga sanday Tom kag Bebeng Sumensil kaupod ang bata sang mga ini nga sanday Aljon kag Ra Sumensil.
Suno kay Daniel, ang pamilya Sumensil ang nadakpan sa akto nga nagarepack sang droga sa ila nga puluy-an sa Purok Paghidaet , Brgy. Impaw, Isulan Sultan Kudarat.
Narekober sa posisyon sang mga ini ang 2 ka dalagko nga pack sang ginapatihan nga shabu, 1 di- lisensiyado nga kalibre 45 na may mga bala kag nagkalain-lain ng mga drug paraphernalia.
Samtang, arestado man sa isa pa ka operasyon si Alyas Bengkong Talipasan sang Kalawag 3, Isulan nga yara sa drug watchlist sang kapulisan.
Nakuha man sa posisyon sini ang 1 ka pack sang shabu kag mga drug paraphernalia.
Suno kay Daniel, madugay na nga ginssurveilance sang kapulisan ang mga suspek antes nadakpan sa ginpatigayon nga operasyon.
Natanan naman nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang mga suspek.
