Ini ang ginpahayag ni Lt. Col. Harold Cabunoc, ang commanding officer sang 33rd Infantry (Makabayan) Batallion, sa interbyu sang Bombo Radyo Koronadal.
Suno kay Cabunoc, personal nga nakig-istorya sa iya ang nasambit nga mga personalidad nga wala na sini ginhingadlan pa agud nga ipanginwala ang ila nga pagsuporta sa mga rebelde.
Suno sa iya, ginpaathag sang mga ini sa iya nga wala sila nagasuporta sa NPA sa baylo nagabulig lamang sila sa mga nagakinahanglan.
Apang, pabor suno pa ang duha sa pagpabilin sang mga suldado agud nga maghatag sang seguridad kag mabuligan sila nga indi mangin biktima sang mga extortionist kasubong man sang ginahimo sang mga rebelde.
Nahibaluan nga nalakip lamang ang pangalan sang mga ini matapos nga madiskubrihan ang paghatag sang bugas sa mga rebelde sa nabukid nga bahin sang Sultan Kudarat.
Sa subong si South Cotabato 2nd District Board Member Romulo “Mulong” Solivio ang ginapatihan ni Lt. Col. Cabunoc nga nagasuporta sa NPA.
