KORONADAL CITY- Gindugang sang Central Weather Bureau sang Taiwan ang Tsunami warning sa ila Public Warning System (PWS) agud ma-advise ang ila mga residente sa posibilidad sang pag-angkon sang Tsunami kag bilang contingency measures man sa ginakahadlukan nga pag-igo sang mas mabaskog pa nga linog.
Ini kasuno sang mga na-eksperyensyahan nga pagtay-og partikular na sa Hualiean City kun sa diin may mga napatay kalakip na ang Pinay nga si Melody Castro.
Sa interbyu sang Bombo Radyo Koronadal sa isa ka Overseas Filipino Worker nga si Leah Lazaga halin sa Tantangan South Cotabato nga kasamtangan nga yara sa Taipei Taiwan, ginapaalerto suno pa sila sang embahada sang pungsod kag sang gobyerno sang Taiwan ilabi na ang mga naga-istar lapit sa coastal area.
Dugang pa sini nga gilayon nga gin-activate sa ila mga telepono ang Tsunami alert nga may dako nga mabulig sa pagbakwit sang mga residente bangud nakapagkit dire ang mga detalyado nga impormasyon sa oras nga may ginalauman nga Tsunami, tatlo ka oras bag-o pa man ini nag-igo.
Samtang nagpangayo ini sang pangamuyo para sa kaluwasan sang mga OFWs sa Taiwan kag para sa mga residente sang nasambit nga pungsod
