KORONADAL CITY- Ginrekomenda na ang gilayon nga relocation nga yara sa halos 100 nga pamilya kag buluthuan sa banwa sang Lake Sebu, South Cotabato makaligad nga matukiban ang paghulag sang duta sang tension cracks.
Suno kay Mines and Geosciences Bureau (MGB) 12 Regional Director Efren Carrido, mahumok suno pa ang foundation sang duta nga ginatukuran sang mga school building kag mga puluy-an sa Sitio Tuburan, Brgy. Ned sa namensyunar nga banwa tuga sang tension cracks rason nga delikado para sa mga estudyante kag residente didto nga magpabilin sa lugar.
Pagpa-athag ni Carrido, nagwa sa ila assessment sa lugar nga naga atras ang duta kag nagapadulong sa pinakalapit nga slope rason nga dapat ipatuman ang gilayon nga relocation.
Kaangot sini, ginapadalian man subong sang provincial government sang South Cotabato anga pagpangita sang mas luwas nga lugar para sa relocation sang mga pamilya nga apektado.
Samtang tun-an pa sang MGB-12 ang kahimtangan sang duta sa nasambit nga lugar.
