KORONADAL CITY- Ginaimbestigaran na sa karun sang Koronadal City PNP ang nagluntad nga pagpangulata sang 2 ka mga myembro sang Philippine National Police sa 1 ka gwardya sang bar sa syudad sang Koronadal.
Sa ekslusibo nga interbyu sang Bombo Radyo Koronadal kay Koronadal City PNP chief Ronald Allan Peñaverde, ginkumpirmar sini nga 2 ka pulis ang involve sa pagpangulata sa isa ka gwardya sang balay ilimnan sa syudad.
Sa impormasyon nga nakuha sang Bombo Koronadal, ang gwardya amuh si Randil Almasil, 34 anyos security guard sang Mc Grille bar samtang isa sa mga pulis nga nagpangulata ang ginkilala nga si PO3 Edmond Delos Reyes ng Scene of the Crime Operatives.
Sa salaysay sang pila ka mga trabahante sa bar, yara sa 9 ka mga kalalakihan suno pa ang nag-insister nga magsulod sa bar nga may dala nga mga armas kun sa diin gindumilian ang mga ini nga magdala sang mga armas sa sulod rason nga naakig ang 2 ka mga pulis nga myembro sang Highway Patrol Group kag Scene of the Crime Operatives kag ginkulata ang gwardya.
Pila sa mga nagtambag ang gin-initan man ni PO3 Delos Reyes kag ginhana man nga kulatahon kun sa diin nakuha pa sa cctv camera sang bar ang bilog nga panghitabo.
Samtang nagpamalibad naman nga isapubliko sang Koronadal City PNP ang bug-os nga identity sang mga pulis bangud nagapadayon pa ang ila imbestigasyon kag ginasiling ngga indi suno pa myembro sang South Cotabato PNP ang mga involve nga mga pulis.
