KORONADAL CITY- Nagahuyang na nga nagahuyang ang pwersa sang New People’s Army sa probinsya sang Sultan Kudarat, ini ang ginpahayag ni 33rd Infantry Makabayan Battalion commander lt. col. Harold Cabunoc sa ekslusibo nga nmga interbyu sang Bombo Radyo Koronadal makalihad ang asud-asod nga pagsungka sang mga matag-as nga lider san NPA kag mga myembro sini.
Nahibaluan nga kadamuan sa mga nagsungka amuh ang mga lumad nga natonto sang komunista at rebelde nga grupo kag pila ka mga child warriors.
Bilang pagpabaskog sang pwersa sang 33rd IB sa nabukid nga bahin sang Sultan Kudarat kag South Cotabato, nag-abot na ang 4th Special Action Battalion sang PNP SAF nga mangin kabulig nila sa paglagas sang mga nagapakatig-a nga NPA members sang guerilla front 73 sang NPA.
Samtang aminado naman ang panibag-o nga myembro sang NPA nga nagsungka nga nagakaubos na ang suplay sang pagkaon sang komunista nga grupo kag nagakaubos naman ang mga bala sang mga ini bangud kulang na sila sa suporta.
Pila sa mga supporters nila nga mga pulitiko sa probinsya ang nagadistansya na bangud natumod na sila sang militar kasunod sang crackdown batuk sa NPA..//Sa karun yara sa 60 nalang ang ila ginalagasnga mga NPA rebels.
