KORONADAL CITY – Naglab-ot na sa 111 ka mga rebelde nga New People’s Army ang nagsungka sa pamunuan sang 33rd Infantry Batallion Philippine Army.
Ini ang ginkumpirmar ni Lt. Col. Harold Cabunoc, ang commanding Officer sang 33rd IB, Philippine Army sa interbyu sang Bombo Radyo Koronadal.
Suno kay Cabunoc, walo ang pinakaulihi nga napatay nga lunsay katapu sang Indigenous People (IP) kag armado sang highpowered firearms.
Ginpahayag ni Cabunoc nga nagsungka ang mga armado nga IP bangud sa padayon nga paglagas sang mga suldado sang Special Batallion sang Philippine National Police.
Nakuha man sa mga nagsungka nga rebelde ang pila ka High Powered Firearms kag gilayo nga ginpaidalom sa Educational Program sang gobyerno.
Kadungan sini nagpromisa man sang bulig sa militar ang mga nagsungka nga rebelde.
Nagalaum naman si Cabunoc nga madugangan pa ang mga rebelde nga magsungka kag magbalik sa sabak sang gobyerno sa probinsiya sang Sultan Kudarat.
