KORONADAL CITY- Ginpaandaman ni 33rd Infantry Battalion commander Ltc. Harold Cabunoc ang pila sa mga opisyal nga taga suporta sang komunista kag rebelde nga New People’s Army sa probinsya sang South Cotabato mangin man sa Sultan Kudarat.
Sa ekslusibo nga interbyu sang Bombo Radyo Koronadal kay col. cabunoc, isa ka board member kag isa ka alkalde suno pa sa South Cotabato ang ila natumod nga nagahatag sang dako nga suporta sa komunista kag rebelde nga NPA.
Dugang pa sini nga ang nasambit nga mga opisyal ang yara sa likod suno pa sang mga organisado nga hublag protesta,nagahatag sang panginahanglan sang mga rebelde sa South Cotabato kag kalapit nga probinsya.
Dugang pa sini nga pila naman ka mga himata sang mga lumad nga ginhakot para sa hublag protesta nga naghalin sa nabukid nga bahin sang probinsya ang natalana nga magsang-at sang kaso batul sa mga wala anay ginhingadlan nga mga opisyal makaligad sang mga ini nga pilitanay nga ginlakip sa hublag protesta kag wala ginpapuli sang ginopatigayon ang rally sa atubang sang South Cotabato Provincial Capitol angot sa kamatayon ni Datu Victor Danyan kag pila ka mga myembro sang pamilya sini nga ginhimo nga tribal militia sang NPA.
Samtang natalana naman nga maghatag sang ila affidavit ang pila sa mga NPA surrenderees nga nagapamatuod nga nagahatag sang suporta ang nasambit nga mga opisyal sa komunista nga grupo.
