KORONADAL CITY- Nagbubo ang pagpangasubo sa kamatayon sang isa ka math teacher makaligad nga makuryente ini samtang nagapanglaba sa ila puluy-an sa Super Village sa syudad sang Koronadal.
Ang nasambit nga manunudlo amuh si John Michael Aguirre 25 anyos nga isa ka Math teacher sa Koronadal National Comprehensive High School nga nagviral sa internet makaligad ang ginpagwa nga video sini sang pinasahi nga technique sa pagtudlo.
Suno sa impormasyon nga ginpalab-ot sa Bombo Rayo sang mga malapit nga mga abyan kag mga estudyante, nakuryente suno pa ini samtang nagapanglaba usar ang washing machine kun sa diin wala na ini nahingagaw pa sang gindangat sa pribado nga ospital sa syudad.
Nagbubo naman ang pakig simpatiya sa nasambit nga manundlo ilabi na ang mga nalipay sa iya nga istorya sa programa nga Good Morning Philippines sang Bombo Radyo Koronadal kun sa diin dire ginpakigbahin niTeacher Aguirre ang iya nga passion sa pagtudlo sa mga estudyante sang pampubliko nga buluthuan.
Kun madumduman ang viral video sang nasambit nga manunudlo ang nag-angkon sang pagdayaw kag nangin dala agud kuhaon ang expertise sini sang mga ginhikanan agud tudluan ang ila mga kabataan sa math.
