KORONADAL CITY – Nagresulta sa kamatayon sang 2 ka drug suspect ang pagkaarestar sang 2 ka iban pa ang ginlunsar nga search warrant operation sang mga otoridad sa Brgy. Batolawan, Pikit North Cotabato.
Sa ginpalab-ot nga impormasyon ni PSupt. Bernard Tayong tagpamaba sang Cotabato Police Provincial Office, ang nasambit nga operasyon ang ginlunsar sang gintingob nga pwersa sang Regional Mobile Force Battalion-12, Cotabato Police Provincial Office kag Pikit MPS batuk sa suspek nga si Andamen Sapalon alyas Kingdom nga nagapangatubang sa paglapas sa RA 9165 o illegal nga droga kag RA 10591 o ang pagdala sang armas kag eksplosibo.
Suno sa report, una nga nagpalupok si Sapalon rason nga napilitan nga magbalos ang mga otoridad kag nakaangkon sang baslanay sang lupok kag lagsanay tubtob na neutralize si Sapalon kag ang kaupdanan sini nga ginahibalo pa ang identity.
Samtang pilason naman ang mag-asawa nga sanday Alyas Samir kag Baina nga papalagyo na apang nalagas sang mga otoridad kag tigayon nga naarestar.
Narekober naman sa crime scene ang (2) units sang caliber 45 pistol, isa ka unit sang cal 38 revolver, one unit hand grenade, assorted ammunitions, kag nagkalain lain nga pakete sang shabu.
Sa subong nagapabilin sa ospital ang 2 ka pilason nga mga suspek.
