KORONADAL CITY- Nagainit sa gihapon ang tensyon sa nagluntad nga engkwentro angot sa iligal banlas ukon illegal mining sa Sitio Datal Ngisi, Brgy. Tablu sa banwa sang Tampakan, South Cotabato.
Sa ekslusibo nga interbyu sang Bombo Radyo Koronadal kay Rosana Tacuyan, 28 anyos nga asawa sang isa sa napatay sa engkwentro sang mga banlasero nga si Joseph Tacuyan, naputos na sang kahadlok ang bug-os nga pamilya sini bangud wala pa nagtakop ang pagbalos sang pamilya ni Rodil Puli.
Suno sa salaysay sini makaligad ssuno pa nga gintadtad sang M16 rifle kag cal. 45 ang lawas sang iya asawa sang masobra 50 ka armado , ginkawat man ang P35,000 nga kwarta kag ginsbyahan sang gasolina ang ila puluy-an kag ginsunog mangin ang tindahan kun sa diin maswerte nalang kag nasalbar ang 6 ka tuig nga bata nila nga babayi kag gilayon nga sila nga nakapalagyo.
Dugang pa kay Rosana,indi suno pa si Joseph ang nagluthang kay Rodil kag sa baylo ang utod sini nga sin Roger nga nakapreso na subong sa Tampakan PNP.
Hustisya naman ang panawagan sini sa brutal nga pagpatay sa iya asawa kag paglamita sa ila bata.
Sa karun naputos na sang kahadlok ang tribo nga B’laan sa banwa sang Tampakan, South Cotabato bangud sa posibilidad sang mas malala pa nga baslanay sa tunga sang 2 ka pamilya bangud lamang sa iligal nga pagmina.
