KORONADAL CITY – Paghiliusa kag indi civil war ang igadulot sang ginaduso nga Federal form of government kadungan sang mainit nga isyu sang Charter Change.
Ini ang ginpasiguro ni Deputy Speaker for Mindanao kag 2nd District Congressman Ferdinand Hernandez sa interbyu sang Bombo Radyo Koronadal.
Kadungan sini, gin-awhag ni Hernandez ang mga kritiko kag nagapamatok sa Federalismo nga mangin matuod sa pagpahangop sa mga pumuluyo subong man indi magsentro sa malain nga igadulot sini.
Suno pa kay Hernandez, indi matabo ang ginakahadlukan sang kadam-an bangud mas pabor ini sa tanan.
Gin-insister pa sini nga isa ka unifying factor sa isa ka diversified kag multi-cultural country ang ginaduso nga Federal form of government.
Apang, sa subong pagahulaton na lamang ang mapasar nga version sang bill sa 17th Congress.
