KORONADAL CITY-Indi suno pa tuman nga nabatyagan sang kadam-an nga mga Filipino sa Amerika ang epekto sang US Government shutdown.
Ini ang ginkumpirmar ni Bombo International Correspondent Peter Jabido, isa ka nurse sa California kag residente sang Koronadal City sa interbyu sang Bombo Radyo Koronadal.
Kadam-an suno pa sa mga Pilipinong nga yara sa Amerika ang naga-obra sa mga pribado ng kumbyuhan kabangdanan nga indi batyag ang epekto sang government shutdown.
Sa pihak sini, ginkumpirmar ni Jabido nga talulupangdon ang epekto sini sa mga Government facilities kasubong sang pagpasara sa mga amusement mangin ang statue of Liberty.
Ginpahayag pa sini nga wala sang problema sa kadam-an nga mga Pilipino sa nasambit nga pungsod bangud wala naman suno pa sang problema sa mga public services kasubong sang Health Services, military, post office kag iban pa.
Apang sa mga ralagawan kasubong sang mga amusement gilayon nga ginpasara matapos ang US Government shutdown.
