KORONADAL CITY- Liwat nga pagduso sang peace talks ang panawagan ni Jean Velasco, asawa sang isa ka suldado nga napatay sa engkwentro batuk sa New People’s Army sa Davao Oriental.
Sa interbyu sang Bombo Radyo Koronadal, nagapati si Jean nga ini sa gihapon ang sabat sa madugay na nga ginaangkon nga kalinong sa Mindanao.
Panawagan ini ni Velasco makaligad nga mapatay ang bana nga si Sgt. Freddie Velasco nga residente sang Brgy. Caloocan, Koronadal City sa halos isa ka oras nga pagkambyuhanay sang lupok batuk sa halos 70 ka mga armado.
Ginpahayag pa sinin ga kuyntani seryusohon na sang duha ka bahin agud matigayon ang peacetalk bangud sa ulihi wala sang may madulot nga kaayuhan sa tanan ang giyera.
GInaawhag man sini ang mga rebelde nga grupo nga magsungka na lamang sa mga otoridad bangud apisar ano ang matabo, gobyerno sa gihapon ang masunod.
Nahibaluan nga magluwas sa bana sini patay man ang isa pa ka South Cotabateño nga si Sgt. Jonathan Cabuya nga residente sang Tupi, South Cotabato.
