KORONADAL CITY – Positibo ang reaksiyon sang mga Overseas Filipino Workers sa middle east sa ginpatuman nga suspensiyon sang deployment sang mga OFWs sa pungsod Kuwait.
Ini ang ginpahayag ni Bombo International Correspondent Boyet Forro.
Suno kay Forro, ginakalipay sang mga OFWs ang nasambit nga tikang labi na ang mga Pinoy nga naka-eksperiensiya sang pagpang-abuso sang ila nga mga employer.
Suno sa iya, indi na maisip ang nabuligan sini nga kasubong nga OFW nga nakaeksperiensiya sang pagmaltrato, pagpanglugos kag wala maswelduhan nga Domestic Helper gikan sa pungsod sa pungsod Kuwait nga iya nabuligan makapauli sa Pilipinas.
Kaangot sini, nagalaum naman ang mga OFW sa middle east nga mangin leksiyon na sa mga nagapang-abuso nga employer ang ginahimo nga tikang sang gobyerno kag mapahamtangan sang penalidad ang mga may sala ilabi na ang kamatayon sang 7 ka mga DH sa Kuwait.
Hingyo lamang sang mga himata sang mga DH nga nagatrabaho sa Kuwait nga sa tion nga mapatuman ang total ban sa nasambit nga pungsod ang mabuligan nga makapangabuhi sang maayo sa pagpauli nila sa pungsod.
