KORONADAL CITY – Patay ang isa ka Overseas Filipino Worker (OFW) samtang lima naman ang pilason makaligad nga gin-arado sang multicab ang isa ka pampasahero nga traysikel sa banwa sang Pikit North Cotabato.
Ginkilala ang napatay nga OFW nga si Maila Sindatok 21 anyos, dalaga nga residente sang Brgy Batulawan Pikit Cotabato.
Samtang ang mga pilason nga padayon nga ginabulong sa hospital ang ginkilala kanday Junto Ziosop drayber sang traysikel kag mga pasahero nga sanday Sophea Nawal, Baikan Nawal Ibong,Precilla Midsapak kag isa ka Wilma Sindatok.
Naguwa sa imbestigasyon sang Pkit PNP nga pasakay nga kuntani ang mag-utod nga Sindatok sa Crossing Migkampong Barangay Batulawan Pikit Cotabato sang hinali ini nga ginbungguan sang nagasunod nga multicab.
Naipit ang biktima sa tunga sang duha ka salakyan rason nga gilayon ini ginbawian sang kabuhi samtang nagtabog naman ang iban nga sakay sang tricycle.
