1 ka pamilya sa SoCot ginpaulanan sang bala samtang nagakatulog, padre de pamilya patay

KORONADAL CITY- Gina-imbestigaran na sang mga otoridad ang pagpangluthang sa isa ka pamilya samtang nagakatulog sa ila puluy-an sa Sitio Lam Sual, Barangay Tasiman, Lake Sebu, South Cotabato.

Kun sa diin gilayon naman nga ginbawian sang kabuhi ang padre de pamilya nga ginkilala nga si Fernando Gandal.

Sa impormasyon sang Lake Sebu PNP, samtang nagakatulog ang ila pamilya, gulpi na lang suno pa nga ginpaulanan sang bala sang wala pa makilal-an nga mga suspek ang ila puluy-an.

Gilayon naman nga ginbawian sang kabuhi ang padre de pamilya makaligad maigo sa dughan.

Maswerte naman nga wala naigo sang bala ang mga myembro sang pamilya sini,

Sa subong ginahibalo pa ang motibo sang pagpangluthang.