KORONADAL CITY– Ginkalipay sang 33rd Infantry Battalion Philippine Army sa pagpanguna ni Lt. col. Harold Cabunoc ang asud-asod nga pagsurrender sang mga katapo sang New People’s Army sa Sultan Kudarat.
Nahibaluan nga panibag-o naman nga 23 ka mga NPA rebels halin sa NPA Guerilla Front 73 ang nagsungka subong nga adlaw sa Senator Ninoy Aquino Sultan Kudarat nga ginalakipan sang isa ka revolutionary captain sang gintukod nga Kilusang Rebolusyunaryo for Barangay kag 2 ka NPA recruiters.
Ginsungka man sang mga rebelde ang ila mga armas kag mga pangpasigabong.
Nahibaluan nga ang nasambit nga mga rebelde ang mga lumad nga naghaling sa Palimbang kag Senator Ninoy Aquino Sultan Kudarat.
Sino sa militar, nagsungka ang 23 ka mga rebelde bangud gin-awhag man sila sang isa pa ka anay lider sang NPA nga si Kumander Andix nga magbalik sa gobyerno bangud kapoy na ang mga ini nga magpanago sa kabukiran kag luyag na nga magbalik sa normal nga pagpangabuhi kaupod ang ila mga pamilya kag makaangkon sang maayo nga bwas damlag.
