KORONADAL CITY- Naluwas na kag yara sa maayo nga kahimtangan ang 2 sa tatlo ka mga pinoy nga ginasiling nga ginkidnap sang isa ka grupo sang mga kriminal sa pungsod Saudi Arabia.
Sa impormasyon nga ginpalab-ot sa Bombo Radyo Koronadal ni alyas Erwin, utod sang Overseas Filipino Worker nga si Ferdinand Bolusi Moises, gilayon nga ginhilway ang ila utod makaligad nga makahatag sang ransom money nga ginabulubanta nga yara sa P200,000 samtang una na nga ginhilway ang isa pa ka pinoy nga ginkilala lang sa pangalan nga Romy nga nakabayad sang dako nga balor.
Suno sa himata sang OFW nga si Moises halin sa banwa sang Isulan, Sultan Kudarat wala suno pa sila sang choice rason nga nagbayad sila sang balor nga katal-os sang kabuhi sang ila utod ilabi na nga seryoso ang mga suspek nga patyon ang ila himata kun indi makabayad sang ransom money makaligad masaksihan sa video call ang pagpangulata kag pagpang torture sa mga ginkidnap nga mga pinoy.
Kaangot sini, nagakabalaka sa gihapon ang mga ginhilway nga mga pinoy bangud may nabilin pa nga isa isa ka pinoy nga wala sang kinamatarong nga magbayad sang ransom money.
Kun madumduman nga ginkidnap ang 3 ka mga pinoy sang mga ginapatihan nga mga Pakistanis sa Rawdah district sa pungsod Saudi Arabia sang nakaligad nga Disyembre 14m 2017.
Sa subong yara na sa embahada sang Pilipinas ang mga ini kag natalana nga magpauli anuman nga adlaw humalin subong.
