KORONADAL CITY- Tatlo ang kumpirmado nga patay sa nagluntad nga pagpangluthang sa syudad sang Tacurong Sultan Kudarat kun sa diin ginalakipan sang DENR employee.
Ini ang ginpahayag ni Tacurong City PNP Chief of Police P/Supt. John Patrick Agabao sa interbyu sang Bombo Radyo Koronadal.
Sa salaysay ni Agabao, dead on the spot sanday Macalimbang Ugali Sacandal, 77 anyos kag Jumuel “Jun” Mastura Utto nga amo ang suspek samtang nadala pa sa balay bululngan ang empleyado sang Dep’t of Environment and Natural Resources ukon DENR nga si Lagaig Utto Sacandal apang makaligad ang pila ka ora sginbawian man ini sang kabuhi.
Suno sa opisyal, sakay sang motorsiklo ang napatay nga suspek kaupod ang isa pa ka atlarge nga si Jumail Utto nga madasig nga nagpalagyo.
Dugang pa ni Agabao , nga suno sa ila inisyal ngaa imbestigasyon may madalum nga away ang pamilya bangud ang napatay nga mga biktima ang mag-amay samtang ang suspek ang mag-otod apang sila ang maghimata.
Sa subong ginapatigayon na ang manhunt operation matapos mahibaluan nga ang nakalagyo nga suspek ang anay nga may kaso sa Cotabato City kag madugay na nga ginapangita.
