KORONADAL CITY- Nagapabilin sa gihapon sa evacuation center ang yara sa masobra 100 nga bakwit bangud sa engkwentro sa tunga sang militar kag sang New People’s Army (NPA) sa Sitio Bonlangon, Brgy. Ned Lake Sebu, South Cotabato.
Suno kay 33rd IB Commanding Officer Lt. Col. Harold Cabunoc, sa mga evacuation center na nagselebrar sang paskwa kag bag-ong tuig ang mga ini humalin sang Disyembre 5 makaligad mag-ibwal ang kinagamo.
Dugang pa sang opisyal nga nahadlok sa gihapon ang mga residente nga magbalik sa ila mga puluy-an bangud sa presensya sang mga armado.
Bangud sini nagapadayon ang pagpatrolya sang mga suldado subong nga Enero agud mapasiguro nga matabog na kag indi na makabalik ang mga rebelde sa sitio nga ginhimo nga shadow government sang NPA.
Nahibaluan nga pila sa mga evacuees ang mga myembro man sang mga rebelde nga grupo.
Madumduman nga 9 sa mga napatay sa nasambit nga engkwentro ang ginakabug-usan sang 2 ka suldado kag tribal leader sang lugar kag mga himata sini.
