KORONADAL CITY– Nagapabulig ang pamilya sang mga Pinoy halin sa banwa sang Isulan, Sultan Kudarat nga nagatrabaho sa pungsod Saudi Arabia makaligad makidnap suno pa ini sang isa ka grupo sang mga kriminal sa nasambit nga pungsod.
Suno kay Eriwin, utod sang Pinoy Overseas Filipino Worker nga ginkidnap sa nasambit nga pungsod, Disyembre 18, 2017 pa sang ginkidnap sa Rawdah District sa Riyadh ang ila utod nga wala anay sini ginhingadlan nga uyat suno pa sang mga Pakistani nga nag-kidnap sa iya kaupod ang 2 pa ka mga pinoy.
Dugang pa ni Erwin nga ila nakaistorya ang ila nga utod pinaagi sa pagvideo call sa skype apang kontrolado suno pa sang nagkidnap sa iya ang cellphone kag nakit-an pa nila nga ginakulata ang ila nga utod.
Kaangot sini, ginapangayuan man sila sang dako nga balor sang kwarta sang isa ka Imran Javed Khan kabaylo sang kabuhi sang ila nga utod kun sa diin nakapadala na suno pa sila sang P70,000 kag sa subong ginapangayuan naman sila sang dugang pa nga P50,000.
Sa subong na report na nila sa embahada sang Pilipinas sa Saudi ang sitwasyon sang nasambit nga OFW apang wala pa sang sabat angot sa nasambit nga problema.
