KORONADAL CITY– Natalana nga ireklamo sang IP leader sang banwa snag Tampakan, South Cotabato ang mga myembro sang CAFGU sa Brgy. Liberty Tampakan makaligad takpan ang kaupdanan nila nga si Eric Panes nga gin-upod sa ila kampo ang kabit nga si Regin Ejara.
Sa ekslusibo nga interbyu sang Bombo Radyo Koronadal kay Amay Collado, Municipal Tribal Chieftain sang nasambit nga banwa, gintawag sini nga butigon kag indi masaligan ang mga CAFGU sa nasambit nga banwa bangud pila ka bes suno pa sila nga nakig-istorya nga ipagwa ang kabit sang CAFGU kag atuangon ang bana sini nga si Jimboy apang nagpakatig-a ang mga ini kag ginsiling nga wala sila sang may ginatago nga babayi sa sulod sang kampo.
Dismayado man si Collado bangud apisar nahibaluan sang mga ini nga pamilyado si Panes kag ang kabit sini ginkunsente sa gihapon nila ang mga ini nga mag-upod sa kampo kun sa diin sa padayon nga pagpakatig-a nagpaandam ini nga pwede nila pasakaan sang kaso nga illegal detention si Panes rason nga napilitan ang mga ini nga ipagwa ang kabit nga si Regin.
Suno kay Collado, dako nga insulto sa iya bilang Municipal Tribal Chieftain ang ginhimo sang mga CAFGU rason nga magahimo sila sang tikang agud manabat ang mga ini samtang si Panes naman kag si Regin ang posible manabat sa layi sang tribo bangud sa kahuy-anan nga ila gintuga.
