Mangunguma nautod ang duha ka tudlo matapos magpalutok sang 5 star

KORONADAL CITY-Nagpalagas pa ang isa ka mangunguma sa mga numero sang mga nalukpan sang bag-ong tuig matapos nga mautod ang duha ka tudlo sini.

Ginkilala ang biktima nga si Romeo Lumbay, 48 anyos, isa ka mangunguma kag residente sang Brgy. Tasiman, Lake Sebu, South Cotabato.

Sa impormasyon, nagkaon suno pa ini sa nabilin nga handa sang bag-ong tuig kag nalimtan nga maghugas sang kamot sang ginsindutan ang 5 star rason nga naabtan ang kamot sini.

Sa kabaskog sang palutok, wasak ang duha ka tudlo sini rason nga tuman ang iya paghinolsol.

Kun madumduman, isa ang 5 star sa mga ginadilian sa executive order number 28 ni Pangulong Rodrigo Duterte.

Nahibaluan nga sa bug-os nga rehiyon 12, ini na ang ikaduha nga report nga nautdan sang tudlo.