KORONADAL CITY– Nagapadayon ang imbestigasyon sang mga otoridad sa kamatayon sang isa ka Pinay Overseas Filipino Worker sa pungsod Kuwait.
Nahibaluan ang nasambit nga OFW ang ginkilala nga si Marife Librada, 25 anyos halin sa Pigcawayan, North Cotabato nga utod suno pa sang isa ka kilala nga komedyante nga si Romeo Librada alyas Tekla.
\
Suno sa impormasyon sang iya mga abyan, nakabatyag suno pa sang depresyon ang nasambit nga pinay kun sa diin talalupangdon ang masubo sini nga mensahe sa facebook account nga sinyales nga may gina-agyan ini nga problema.
Ginkakibot na lamang nga nasapwan ini nga wala na sang kabuhi bag-o pa man ang bag-ong tuig sang nakaligad nga adlaw kag ginasiling nga naghikog pinaagi sa paghigot sang iya nga liog sa puluy-an nga gina-ubrahan sini sa Andalus, Kuwait City.
Kaangot sini, ginalantaw man ang posibilidad nga may nagluntad nga foul play apang wala pa sang pahayag ang amo sang nasambit nga OFW mangin ang pamilya sini sa North Cotabato.
