KORONADAL CITY- Ginpasalamatan sang mga listeners sang Bombo Radyo Philippines sa South Cotabato kag mangin man sa gwa sang pungsod ang ginpakita nga serbisyo publiko sang waragwagan kadungan sang pagsaulog sang bag-ong tuig.
Ini bangud ang Bombo Radyo lang ang istasyon sa probinsya ang nagtutok sa bilog nga gab-i nga panghitabo sa palibot kag nagpatigayon sang regular nga programa sa pihak sang New Year celebration kun sa diin ang tanan ang naga enjoy kaupod ang ila mga pamilya.
Ang mga Overseas Filipino Workers naman ang nakatutok sa Bombo Radyo agud masubaybayan ang panghitabo sa pungsod sa pagsulod sang bag-ong tuig ilabi na nga malayo sila sa ila mga pamilya.
Pila sa mga mensahe nga ginpalab-ot sang mga OFW’s nga nadula ang ila homesick samtang nagapamati sa Bombo Radyo ilabi na nga indi sila makapauli sa Pilipinas.
Nagpalab-ot naman sang iya nga pagpanamyaw ang isa ka residente nga Muslim nga si Teng halin sa Buluan, Maguindanao sang malipayon nga bag-ong tuig sa tanan nga mga pumuluyo, Kristyano, Lumad o mga kauturan nga Muslim sa bug-os nga probinsya.
