KORONADAL CITY– Lauman suno pa ang full blast implementation sang war on drugs sa ng Duterte administration sa pagsulod sang tuig 2018.
Ini ang pahayag ni South Cotabato Police Provincial Director Senior Supt. Franklin Alvero kadungan sang pagbalik sang PNP sa war on drugs kun sa diin lauman suno pa ang mas ginpahugtan nga evaluation kag validation sa ila nga target list kaupod ang Philippine Drug Enforcement Agency o PDEA 12.
Kaangot sini, ginatun-an man ang paglakip sa mga katapo sang media sa mga aktwal nga anti-illegal drugs operation apang suno kay South Cotabato Board Member Agustin Dema-ala, chairman sang Committee on Peace and Order indi ini mangin mahapos kag igakunsulta pa sa mga law enforcement agencies agud nga indi mabutang sa alanganin ang kabuhi sang mga mamahayag.
Madumduman nga ginsuhestyon nga ilakip ang mga katapo sang media sa mga operasyon sang PNP batuk sa iligal nga droga makaligad ang isyu sa Human Rights Violation.
