KORONADAL CITY- Sukarap ang ginatudlo nga suspek sa kamatayon sang isa ka motorista sa Gensan Drive. Bo. 2, Kornadal City kaina sang kaagahon matapos suno pa nga ginbat sang kasubong sang kadakuon sang inumol.
Ginkilala ang biktima nga si Nonie Rodriguez, 25 anyos kag residente sang Poblacion, Tupi, South Cotabato nga naigo sa tiyan.
Sa report sang Koronadal traffic section, ginamaneho sang biktima ang motor sini nga isa ka suzuki raider angkas ang isa ka April Geighs De Guzman, 23 anyos nga residente man sang nasambit nga lugar apang gulpi sila nga ginbato sang ginapatihan nga sukarap nga nag-igo sa tiyan ni Rodriguez.
Bangud sa kabaskog sang pag-igo sang bato, nagderitso ang ginamaneho sini nga motor sa poste sang kuryente.
Gindala pa sa balay bululngan ang biktima apang gilayon nga ginbawian sang kabuhi samtang ang angkas sini ang nakaangkon sang mga pilas.
