KORONADAL CITY- Ginkumpirmar sang hepe sang Highway Patrol Group sang South Cotabato nga si PCI Arnold Cariño nga ginrelieve ini sa iya nga pwesto.
Madumduman nga sa ekslusibo nga interbyu sang Bombo Radyo Koronadal kay PCI Cariño ginkumpirmar sini nga ginpagwa na ang relieve order batuk sa iya makaligad ini nga ginkasuhan sa Office of the Ombudsman angot sa ila ginpatigayon nga operasyon sang tuig 2014 batuk sa isa ka carnap vehicle kun sa diin may kakulangan suno pa sa resibo nga ila gin issue sa nadakpan nga suspek halin sa probinsya sang North Cotabato.
Nahibaluan nga sa impounding receipt may yara sila sang bayolasyon nga wala nalakip rason nga gindugangan suno pa ini sang ila imbestigador kag nagluntad naman ang mismatch sa resibo nga ila gin-issue kag dire nakaangkon sang tion nga magcounter-charge ang suspek.
Bangud sini ginpasakaan sang kaso si PCI Cariño sa Ombudsman bangud sa Falsification of Documents kag ginpasugo nga irelieve ini sa pwesto.
Sa subong ginsaylo si PCI Cariño sa Highway Patrol Group Regional Office 12 samtang nagahulag ang kaso nga administratibo batuk sa iya.
