KORONADAL CITY- Ginapreparahan sa karun sang South Cotabato Provincial Disaster Risk Reduction and Management Coucil ang posible nga mangin epekto sang malain nga paniempo dala sang Bagyong Urduja.
Sa interbyu sang Bombo Radyo Koronadal kay South Cotabato PDRRMO chief Mila Lorca, hugot ang ila nga monitoring sa pila ka mga banwa sa probinsya makaligad makapagkit sang landslide sa Brgy. New Dumangas sa banwa sang T’boli, South Cotabato kun sa diin naapektuhan ang nagpanguna nga dalanon sa nasambit nga banwa bangud sa mabaskog nga pag-ulan.
Samtang kaangot sini, mas ginpahugtan man ang preparasyon sa 6 ka mga banwa sa South Cotabato nga maapektuhan sang pagbaha kag landslide kasubong sang Lake Sebu, T’boli, kag ang mga low-lying areas nga ginakabug-usan sang Sto. Niño, Norala, Surallah kag banwa sang Banga South Cotabato.
Samtang nakapagkit naman sang bilog nga hapon nga pag ulan ang siyudad sang Koronadal kun sa diin ginamonitor man ang mga flood kag landslide prone areas kasubong sang Brgy. Saravia kag Brgy. Carpenterhill.
