Pamilya sang katutubo nga OFW sa SoCot nagpabulig sa Bombo Radyo sa pagmaltrato sang employer sa himata

KORONADAL CITY-Nagapangayo sang bulig ang pamilya sang katutubo nga OFW halin sa Brgy. Kematu, T’boli, South Cotabato nga si Divina Sakam.

Personal nga nagpadulong sa waragwagan ang iloy sini kag utod nga si Ronald Sakam bangud sa problema sang otod nga yara sa Saudi Arabia.

Sa panalaysayon ni Ronald, ginasakit suno pa ang utod sini, kun may gamay nga sala ginakulata, wala sang sakto nga kaon, ginapreso, wala sang sweldo kag madamo na sang bun-og sa kalawasan.

Dugang pa sini nga luyag nila nga paulion nalang ang himata agud nga masalbar pa sa kamot sang mapintas nga employer kag makauli sang buhi.