KORONADAL CITY – Ginapangita na subong sang kapulisan ang prime suspect sa pagbilin sang patay nga lapsag sa comfort room sang Yellow Bus Line (YBL) terminal, Gensan drive, Koronadal City.
Kun madumduman sang Mayo 7, 2017 sang nasapwan na lamang nga wala na sang kabuhi ang lapsag sa CR sang YBL terminal sa siyudad sang Koronadal.
Sa eklusibo nga interbyu sang Bombo Radyo Koronadal kay Alfred Miguel Jr. Supervisor in-charge sang YBL terminal, alas 7:00 sang aga sang Mayo 7 sang matukiban ang patay nga lapsag sa basurahan sang comfort room kag ginkakibot sang pila ka personnel sang YBL terminal nga ginbutangan pa sini sang napkin sa bibig.
Gilayon naman nga ginpatawag ang kapulisan kun diin nakuha ang nasambit nga laragwag ang CCTV camera sang YBL kag ginpaidalom sa imbestigasyon.
Una na nga ginpahayag sang kapulisan nga posible ginhungod ang pagpatay sa lapsag apang sa subong wala pa sang identity ang ginhimo sini nga krimen.
Sa subong nagapanawagn ang kapulisan sa sin-u-man nga nakakita ukon nakakilala sa nasambit nga babaye ang ipahibalo sa kapulisan.
