-- ADVERTISEMENT --
KORONADAL CITY- Gintiro patay sang riding in tandem ang isa ka lalaki nga nagamaneho sang tricycle sa National Highway, Brgy. Dansuli, Isulan Sultan Kudarat pasado alas 8:00 kaina sang aga.
Ginkilala ang ginapatihan nga bomber nga si Abdul Abubakar alyas “Datu Opam” nga residente sang Mamasapano, Maguindanao.
Suno sa kapulisan, sakay ini sang ginamaneho nga tircycle sang ginsundan sang riding in tandem kag pag-abot sa lugar diri ginpalukpan nga nag-igo sa iya ulo nga tunaan sang iya gilayon nga kamatayon.
Sa pagresponder sang mga otoridad diri narekober sa iya tricycle ang duha ka Improvised Explosive Device kag triggering device nga nakasulod sa isa ka bag.
Sa inisyal nga impormasyon, cal. 45 ang gin-usar sang mga suspek sa bomb courier.
