KORONADAL CITY- Ginahibalo pa sang Koronadal City PNP kun may kaangtanan sa kaso sang pagpatay sa empleyado sang isa ka mall nga si Jennelyn Gansing ang pagdaug sini sa iya ginsang-at nga rape case batuk sa anay sini nga nobyo.
Sa subong wala pa sang ginpaguwa nga identity ang kapulisan angot sa nasambit nga krimen apang may lead na suno pa nga ginasundan.
Samtang sa interbyu sang Bombo Radyo Koronadal sa isa sa mga kaingod ni Jennelyn kag isa man sa mga witness, ginpahayag sini nga magduha pa lamang ka semana ang biktima sa iya gina istaran nga boarding house.
Ginsaysay man suno pa sang iloy ni Jenelyn nga wala sila sang iban nga nahibaluan nga problema sang bata magluwas na lamang sa paglugos diri sang anay nobyo nga ang amay isa ka retired police.
Napadaug suno pa ni Jennelyn ang kaso kag subong nakapreso na ang anay nobyo.
Madumduman nga gintiro patay sang riding in tandem si Jennelyn sang damlag lang usar ang cal. 45 kun sa diin nakaangkon ini sang duha nga igo sang bala nga tunaan sang iya gilayon nga kamatayon.
