KORONADAL CITY – Ginabulong na subong sa hospital ang isa ka myembro sang New People’s Army (NPA) nga napilasan sa engkwentro matapos nga madakpan sang mga suldado sa Sitio Bonglangon, Barangay Ned, Lake Sebu.
Ginkilala ni Lt. Col. Harold Cabunoc, commanding officer sang 33rd Infantry Battalion sang Philippine Army ang nadakpan nga si Jefrey Danyan, 18 kag isa ka child warrior sang NPA.
Suno kay Cabunoc, ang mga suldado mismo ang nagpabulong sa pilason nga isa ka pamatuod nga ginarespito sang mga ini ang kinamatarong mangin sang rebelde nga grupo.
Sa kabug-usan, yara sa siyam ang napatay sa engklwentro sa tunga sang NPA kag mga suldado sa nasambit nga lugar kun diin pito sa mga ini ang nagikan sa rebelde nga NPA kaupod na si Ka George ang leader sang Platoon Myphone samtang duha naman sa mga suldado.
Nahibaluan nga isa ka suldado man gikan sa 27th Infantry Battalion sang Philippine Army ang pilason sa engkwentro.
Sa subong, yara gihapon sa alert status ang militar kag kapulisan sa boundary sang mga banwa sang Lake Sebu, South Cotabato kag Bagumbayan Sultan Kuadrat matapos ang natabo nga engkwentro.
