KORONADAL CITY-Mas ginpahugtan pa sang mga otoridad ang seguridad sa probinsya sang South Cotabato matapos ang natabo nga engkwentro sa tunga sang ginapatihan nga New Peoples Army sa Brgy. Ned Lake Sebu kun sa diin duha ka soldado ang patay samtang nadugangan suno pa ang patay sa bahin sang NPA.
Sa interbyu sang Bombo Radyo Koronadal kay 2nd Lt.Radjan Palacio, spokesman sang 27th IB Philippine Army, nagpanawagan ini sa mga lumad ilabi na sa mga kabukiran nga indi magpadala sa mga promisar sang NPA bangud nagapati suno pa ini nga paagi sa Bombo Radyo mapalab-ot ang mensahe sang militar.
Sa subong nagapadayon suno pa ang operasyon sa lugar ilabi na sa recruitment nga ginapamunuan sang isa ka kumander Yoyo nga anay man suno pa nga myembro sang militar apang nag awol.
