KORONADAL CITY – Nagapabilin sa kostudiya sang kapulisan ang lima ka miyembro sang New People’s Army (NPA) nga nadakpan sa joint operation sang kapulisan kag 27th Infantry Battalion Philippine Army sa Sitio Datal Ligaw, Barangay Tasiman, Lake Sebu, South Cotabato.
Suno kay Senior Inspector Rene Dale Cairel, chief of police sang Lake Sebu PNP nga wala pa makapaguwa sang commitment order ang prosecution agud nga masaylo sang presuhan ang lima.
Ginkilala nag mga nadakpan nga sanday Encarnacion Comelio Sangco nga suno pa asawa ni Kumander Billy sang Platoon Samsung Guerilla, Front 73,kag residente sang Barangay Lambak, Sen. Ninoy Aquino, Sultan Kudarat; Ronald Kulaman Joland, alyas Karding; Joey Inson Salon, alyas Jack/Jordan; Hanna Blasan Adam, mga residente sang Barangay Tasiman; kag Bryan Dialoring Muca, alyas Brown, residente sang Barangay Kabasagan, Matan-ao, Davao del Sur.
Nahibaluan nga nakuhaan man sang granada, 3 armas luthang kag mga bala ang mga rebelde.
Ginpasiguro naman sang kapulisan nga magapangatubang sa kaso ang mga ini.
