KORONADAL CITY- Natumod na sang militar sa probinsya sang Sultan Kudarat ang pila sa mga pulutiko kag opisyal nga tagasuporta sang komunista kag rebelde nga New People’s Army (NPA).
Sa interbyu sang Bombo Radyo Koronadal kay 33rd Infantry Battalion commnder 33rd IB commanding officer Lt. Col Harold Cabunoc, mismo ang mga former NPA rebels ang nagbuyaguag kag isa-isa nga ginhingadlan ang mga pulitiko nga nagasirbe nga protektor sang rebelde nga grupo.
Nahibaluan nga ang nasambit nga personalidad mangin ang iban pa nga mga organisasyon ang suportado ang plano nga destabilisasyon suno pa sa Duterte administration ilabi na kag wala na sang gahum ang Joint Agreement on Safety Immunity Guarantees ukon JASIG bangud gintapos na ang peace negotiation sa tunga sang gobyerno kag CPP-NPA-NDFP.
Kaangot sini, nagpamalibad anay nga hingadlan ni Col. Cabunoc ang nasambit nga mga pulitiko apang nagpaandam ini nga tapuson ang kaangtanan sa NPA bangud ang militar ang nagahimo sang tikang base sa kamanduan ni Duterte nga arestaron ang mga tagasuporta sang NPA.
